Cronfa Datblygiadau Strategol Y Coleg Cymraeg Cenedlaethol 2018/19

Descriptions

Mae’r Coleg yn dymuno penodi darparwyr i ddatblygu pump o brosiectau i ddatblygu adnoddau fydd yn cefnogi neu’n hyrwyddo darpariaeth Addysg Uwch cyfrwng Cymraeg mewn gwahanol feysydd.Bydd y prosiectau hyn yn ychwanegol at y gefnogaeth sydd ar gael gan y Coleg drwy gynlluniau eraill megis cynlluniau Grantiau Pynciol, Ysgoloriaethau Ymchwil, y Gronfa Gydweithredol a’r Grantiau Bach. Byddant yn brosiectau strategol sy’n diwallu anghenion staff a myfyrwyr meysydd pwnc penodol. Adnabuwyd yr anghenion hyn drwy gyfrwng cynlluniau pwnc a thrafodaethau gyda phaneli pwnc, sef:-Mathemateg a Ffiseg-Biowyddorau a Chemeg-Peirianneg, Tirfesureg a Chyfrifiadureg-Iaith a Llên (Y Gymraeg)-HanesBydd y broses comisiynu prosiectau yn digwydd mewn dwy ran. Mae pump o brosiectau yn barod i’w comisiynu nawr ac wele'r meysydd pwnc penodol uchod.Bydd ail restr o brosiectau i’w comisiynu yn cael ei chyhoeddi yn hwyrach ac yn cynnwys detholiad o brosiectau mewn meysydd pwnc eraill, ac unrhyw brosiectau ychwanegol fydd wedi eu hadnabod yn y cyfamser.I’r perwyl hwn, estynnir gwahoddiad i staff sefydliadau addysg uwch gynnig syniadau am brosiectau ychwanegol sydd y tu hwnt i gylch gorchwyl unrhyw banel pwnc neu ar gyfer pwnc sydd ddim yn gysylltiedig â phanel pwnc penodol. Dylid cyflwyno syniadau am brosiectau ychwanegol erbyn dydd Llun 17 Medi 2018.Dylid cyfeirio at y Fanyleb atodol sydd i'w gweld o dan y tab Dogfennaeth Ychwanegol am fanylion llawn y testunau sydd i'w comisiynu a manylion am sut i gyflwyno cais.NODER: Ewch i'r Wefan yn https://www.sell2wales.gov.wales/Search/Search_Switch.aspx?ID=83885 i gofrestru eich diddordeb yn yr hysbysiad hwn a chael unrhyw wybodaeth ychwanegol.