Cynyddu Dilyniant i'r Sector Addysg Uwch Cyfrwng Cymraeg - Prosiect Peilot

Descriptions

Gwahoddir ceisiadau gan gorff neu gyrff addas i weithredu prosiect peilot o dan gontract am ddwy flynedd yn y dair ardal ganlynol:•Gwynedd – rhanbarth Arfon•Sir Gaerfyrddin•Rhondda Cynon TafGall contractiwr/contractwyr wneud cais i weithredu mewn un, dwy neu’r dair ardal a enwir uchod.Bydd disgwyl i’r contractiwr/contractwyr weithredu yn ddwys gydag ysgolion oddi fewn i’r ardaloedd. Bydd y manylion a’r fethodoleg i’w cytuno gyda swyddogion y Coleg ond rhagwelir hyd at dair o ysgolion (ond yn fwyaf tebygol dwy ysgol) ymhob ardal, yn ogystal â’r sefydliad addysg bellach lleol.Disgwylir i’r contractiwr/contractwyr greu perthynas weithio dda gydag athrawon pwnc, penaethiaid blwyddyn a staff eraill o fewn yr ysgolion, o flwyddyn 9 ymlaen, a gyda chynghorwyr gyrfaoedd, er mwyn codi ymwybyddiaeth o fanteision dwyieithrwydd ym myd gwaith ac yn enwedig y gallu i gynnig gwahanol lefelau o sgiliau dwyieithog, yn enwedig ar lefel uwch. Bydd gofyn hefyd i’r contractiwr/contractwyr godi ymwybyddiaeth am y Coleg a’i waith, a darbwyllo athrawon a chynghorwyr gyrfaoedd i gymryd rhan mewn gweithgareddau codi ymwybyddiaeth gyda disgyblion a rhieni.Disgwylir i’r contractiwr/contractwyr gynnal gweithgareddau amrywiol a gweithio yn uniongyrchol gyda grwpiau ac unigolion megis disgyblion, athrawon, cynghorwyr gyrfa, rhieni ac eraill er mwyn ymgysylltu â nhw a chodi ymwybyddiaeth a newid agweddau. Gallai’r gweithgareddau fod yn benodol neu ddigwydd fel rhan o weithgareddau a drefnir yn lleol yn barod. Gwahoddir cynigion gan gontractwyr am y math o weithgareddau fyddai’n briodol gan dalu sylw i wahaniaethau o ardal i ardal.Oherwydd mai ymgysylltu ar lefel meicro yn lleol yw pwrpas y prosiect, bydd angen i’r sawl sydd yn gwneud cais ar gyfer y gwaith fanylu ar sut y byddent yn sicrhau ymwybyddiaeth leol yn yr ardaloedd dan sylw. Fel egwyddor felly mae’r Coleg yn disgwyl y bydd contractiwr/contractwyr yn dynodi cysylltwyr lleol sydd yn meddu ar gysylltiadau yn yr ardal yn barod, a chyda mynediad rhagorol at rwydweithiau allweddol.Nod y prosiect bydd sicrhau bod y niferoedd o ddisgyblion ysgol yn yr ardaloedd o dan sylw sy’n dewis astudio’n Gymraeg yn y brifysgol yn cynyddu.