Tionscadal Taighde - TAIGHDE AR ÚSÁID REATHA NA N-ACMHAINNÍ TEAGAISC SNA HIAR-BHUNSCOILEANNA GAELTACHTA AGUS LÁN-GHAEILGE AGUS AR RIACHTANAIS AN AMA ATÁ ROMHAINN

Descriptions

Tá cuireadh á thabhairt ag Foras na Gaeilge d’iarrthóirí tairiscintí a dhéanamh maidir le tionscadal taighde a dhéanfaidh iniúchadh ar úsáid na n-acmhainní teagaisc in iar-bhunscoileanna Gaeltachta agus lán-Ghaeilge, thuaidh agus theas, agus ar na riachtanais sa réimse sin san am atá le teacht.Tionscadal don scoilbhliain 2021-22 atá i gceist. Táthar ag súil go ndéanfar an obair scóipe agus tiargála roimh dheireadh na bliana 2021 agus an chuid eile i míonna tosaigh 2022.Cúlra na hIarrata ar Thairiscintí:Tá raon leathan acmhainní, idir acmhainní clóite agus digiteacha, curtha ar fáil do na hiar-bhunscoileanna Gaeltachta agus lán-Ghaeilge thuaidh agus theas le dornán blianta anuas. Tá úsáid na teicneolaíochta sna scoileanna le déanaí tar éis cor eile a chur i scéal na n-acmhainní. Is mithid taighde ceart gairmiúil a dhéanamh anois chun úsáid na n-áiseanna sin a thomhas, buanna agus dúshláin a aithint agus riachtanais na scoileanna i réimse na n-acmhainní teagaisc san am atá romhainn amach a bheachtú.